ହ୍ରାସ ପାଇଲା ସୁନାର ମୂଲ୍ୟ , ଜାଣନ୍ତୁ ୧୦ଗ୍ରାମ ସୁନାଦାମ୍‌ କେତେ…

ନୂଆଦିଲ୍ଲୀ ୫/ ୪: ସୁନା ଓ ରୂପାର ମୂଲ୍ୟରେ ବଡ଼ ଧରଣର ହ୍ରାସ ଦେଖାଦେଇଛି। ଅ ବିଶ୍ଵାବ୍ୟାପି ଆର୍ଥିକ ମାନ୍ଦା ଅବସ୍ଥାର ଭ୍ୟ ଏବଂ ବିଶ୍ୱବ୍ୟାପୀ ଶେୟାର ବଜାରରେ  ଦୁର୍ବଳ ଆର୍ଥିକ ଅବସ୍ଥା ସତ୍ୱେ  ସୁନା ମୂଲ୍ୟରେ ତାରତମ୍ୟ ଦେଖିବାକୁ ମିଳିଛି l  ସୁନାକୁ ସାଧାରଣତଃ ନିରାପଦ ବିନିଯୋଗ ଭାବେ ବିବେଚନା କରାଯାଏ, ଶୁକ୍ରବାର ସୁନାର ବଜାର ମୂଲ୍ୟ  ପ୍ରାୟ ୧% ହ୍ରାସ ପାଇଛି। ଏହା ସହିତ ରୂପାର ମୂଲ୍ୟ ମଧ୍ୟ ୮% ପର୍ଯ୍ୟନ୍ତ ଖସିଯାଇଛି। ଆମେରିକାରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ଘୋଷିତ ‘ପାରସ୍ପରିକ ଶୁଳ୍କ’ (reciprocal tariffs) ନୀତି, ଯାହା ଅନୁସାରେ ସୁନା ଓ ରୂପାକୁ ଏହି ଶୁଳ୍କରୁ ବାଦ ଦିଆଯାଇଛି। ଏହା ଫଳରେ ବିନିଯୋଗକାରୀମାନେ ଲାଭ ସୁରକ୍ଷା (profit-booking) କରିବାକୁ ଆରମ୍ଭ କରିଛନ୍ତି।

ଭାରତର ମଲ୍ଟି କମୋଡିଟି ଏକ୍ସଚେଞ୍ଜ (MCX)ରେ ଶୁକ୍ରବାର ଦିନ ସୁନାର ମୂଲ୍ୟ ୦.୯% ହ୍ରାସ ପାଇ ଦିନର ସର୍ବନିମ୍ନ ସ୍ତର ୮୯,୨୬୦ ଟଙ୍କା ପ୍ରତି ୧୦ ଗ୍ରାମରେ ପହଞ୍ଚିଛି। ପରେ ଏହା କିଛି ସ୍ଥିର ହୋଇ ୮୯,୮୮୫ ଟଙ୍କାରେ ପହଞ୍ଚିଛି (ଜୁନ ୨୦୨୫ ଚୁକ୍ତି ଅନୁସାରେ)।

ବିଶ୍ଳେଷକମାନଙ୍କ ମତରେ, ସୁନାର ମୂଲ୍ୟ ହ୍ରାସର ମୁଖ୍ୟ କାରଣ ହେଉଛି ଟ୍ରମ୍ପଙ୍କ ପାରସ୍ପରିକ ଶୁଳ୍କ ନୀତିରୁ ମୂଲ୍ୟବାନ ଧାତୁକୁ ବାଦ ଦିଆଯିବା। ଏହା ସହିତ, ଗତ କିଛି ମାସ ଧରି ବଜାରରେ ଶୁଳ୍କର ପ୍ରଭାବ ପୂର୍ବରୁ ଗଣନା କରାଯାଇଥିବାରୁ ବିନିଯୋଗକାରୀମାନେ ଲାଭ ସୁରକ୍ଷା କରିବାକୁ ଆରମ୍ଭ କରିଛନ୍ତି। କୋଟାକ ସିକ୍ୟୁରିଟିଜର ସହାୟକ ଉପାଧ୍ୟକ୍ଷ (କମୋଡିଟି ରିସର୍ଚ୍ଚ) କୈନାତ ଚୈନୱାଲା କହିଛନ୍ତି, ‘COMEX ଜୁନ ସୁନା ଗୁରୁବାର ଦିନ ୧.୪% ହ୍ରାସ ପାଇ $୩,୦୭୩.୫ ପ୍ରତି ଆଉନ୍ସରେ ପହଞ୍ଚିଥିଲା, ଯାହା ଏକ ସପ୍ତାହର ସର୍ବନିମ୍ନ ସ୍ତର ଥିଲା।’ ଏହା ସହିତ, ବିଶ୍ୱବ୍ୟାପୀ ଶେୟାର ବଜାରରେ ବଡ଼ ଧରଣର ହ୍ରାସ ଦେଖାଦେଇଛି। ଭାରତରେ BSE ସେନସେକ୍ସ ୯୩୦.୬୭ ପଏଣ୍ଟ ହ୍ରାସ ପାଇ ୭୫,୩୬୪.୬୯ରେ ବନ୍ଦ ହୋଇଥିବା ବେଳେ NSE ନିଫ୍ଟି ୩୪୫.୬୫ ପଏଣ୍ଟ ଖସି ୨୨,୯୦୪.୪୫ରେ ପହଞ୍ଚିଥିଲା।

ଆମେରିକାର ଆର୍ଥିକ ସେବା ସଂସ୍ଥା ମର୍ନିଂଷ୍ଟାରର ବଜାର ରଣନୀତିବିଦ ଜନ ମିଲ୍ସ ପୂର୍ବାନୁମାନ କରିଛନ୍ତି ଯେ ସୁନାର ମୂଲ୍ୟ $୧,୮୨୦ ପ୍ରତି ଆଉନ୍ସ ପର୍ଯ୍ୟନ୍ତ ହ୍ରାସ ପାଇପାରେ, ଯାହା ବର୍ତ୍ତମାନର ମୂଲ୍ୟ $୩,୦୮୦ରୁ ପ୍ରାୟ ୩୮% କମ। ଏହି ପୂର୍ବାନୁମାନ ସୁନା ବଜାରରେ ବଡ଼ ଧରଣର ପରିବର୍ତ୍ତନ ଆଣିପାରେ। କିନ୍ତୁ ଅନ୍ୟପକ୍ଷରେ, ବ୍ୟାଙ୍କ ଅଫ ଆମେରିକା ଓ ଗୋଲ୍ଡମ୍ୟାନ ସାକ୍ସ ଭଳି ଆର୍ଥିକ ସଂସ୍ଥାଗୁଡ଼ିକ ସୁନା ପ୍ରତି ସକାରାତ୍ମକ ଦୃଷ୍ଟିକୋଣ ରଖିଛନ୍ତି। ବ୍ୟାଙ୍କ ଅଫ ଆମେରିକା କହିଛି ଯେ ଆଗାମୀ ଦୁଇ ବର୍ଷ ମଧ୍ୟରେ ସୁନା $୩,୫୦୦ ପ୍ରତି ଆଉନ୍ସ ପର୍ଯ୍ୟନ୍ତ ପହଞ୍ଚିପାରେ, ଆଉ ଗୋଲ୍ଡମ୍ୟାନ ସାକ୍ସ ବର୍ଷାନ୍ତ ସୁଦ୍ଧା $୩,୩୦୦ ପ୍ରତି ଆଉନ୍ସ ପୂର୍ବାନୁମାନ କରିଛି।